Ane Miren ELORZA
25 urteko gazte kolonbiar baten gorputza aurkitu du Ertzaintzak Berrostegietan, Araban, A-3102 errepideko bihurgune batean. Eusko Jaurlatitzako Herrizaingo Sailak adierazi duenez 20.50etan jaso zuten abisua. Hainbat gidarik ohartarazi zuten istripu bat gertatu zela, pertsona bat lurrean etzanda aurkitzen baitzen Renault Megane auto baten ondoan.
Ertzaintzako agenteek zonaldea arakatu eta gero egiaztatu dute bertako elementuak ez direla auto istripu batenak. Gizonari lepoa moztu zioten eta autoan hainbat droga pastilla zeuden. Egoera hau ikusita drogen inguruko hilketa bat izan daitekeela uste du Ertzaintzak. Biktima Kolombiakoa zen baina Gasteizen bizi zen.
No hay comentarios:
Publicar un comentario